کویت کی انسداد منشیات فورس نے اسمگلروں کی بکروں کے پیٹ میں منشیات اسمگلر کرنے کی کوشش ناکام بنا دی۔
عرب خبر رساں ادارے کی رپورٹ کے مطابق دوسرے ملک سے منشیات اسمگلروں نے زندہ بکروں کا استعمال کرتے ہوئے منشیات کی کویت اسمگلنگ کی کوشش کی تاہم کامیاب نہ ہوسکے۔
بکروں کی کھیپ کویت منتقل ہوئی جن کے پیٹ میں شاطر منشیات اسمگلروں نے ڈرگز کے کیپسول چھپائے ہوئے تھے، جسے کویتی انسداد منشیات فورس نے برآمد کرلیا۔
وزارت داخلہ نے منشیات کے کیسپول برآمد کرنے کی ویڈیو انٹرنیٹ پر بھی جاری کردیں۔
ضبط شحنة مخدرات مهربة بطريقة مبتكرة في احشاء اغنام حية قادمة من دولة مجاورة pic.twitter.com/fGtrb1jyqP
— وزارة الداخلية (@Moi_kuw) November 23, 2021
اس سے قبل کویتی پولیس نے کبوتر کے ذریعے منشیات اسمگلنگ کی کوشش بھی ناکام بنائی تھی، پولیس نے کبوترکو منزل مقصود تک پہنچنے سے قبل ہی پکڑ لیا تھا جس کے ساتھ نشے کی گولیوں سے بھری تھیلی باندھی گئی تھی۔