کویت سٹی: کویتی حکام نے پبلک سیکٹر میں غیر ملکی ملازمین کی تعداد کم کرنے کا منصوبہ تیار کرلیا جس پر آئندہ پانچ برس میں عمل درآمد کیا جائے گا۔
عرب میڈیا کے مطابق کویت نے ریاست سے غیر ملکی ملازمین کی تعداد کم کرنے کا فیصلہ کیا ہے جس کے لیے منصوبہ تیار کرلیا گیا ہے۔
منصوبے کے تحت جن ملازمین کو واپس ان کے وطن بھیجا جائے گا ان کی فہرست جلد تیار کی جائے گی جس کے لیے متعلقہ سرکاری اداروں کو فہرست کی تیاری میں معاونت کے لیے نام ارسال کرنے کا حکم دے دیا گیا ہے۔
اطلاعات ہیں کہ غیر ملکی ملازمین کے کنٹریکٹ کئی کئی برس کے ہیں اس لیے اس منصوبے پر اگلے پانچ برس میں عمل درآمد ہوگا، جن شعبہ جات سے غیر ملکی ملازمین کم کرنے ہوں گے وہاں غیر ملکی ملازمین کے کنٹریکٹ میں توسیع نہیں کی جائے گی اور نہ مزید بھرتیاں ہوں گی۔
Comments
- Advertisement -
