کویت سٹی: خلیجی ملک کویت کے محکمہ شہری ہوابازی نے یکم اگست سے کمرشل فلائٹس کی بحالی کا اعلان کردیا۔
عرب میڈیا کی رپورٹ کے مطابق یکم اگست سے کویت میں کمرشل پروازیں بحال کردی جائیں گی جبکہ فلائٹس کی مکمل بحالی مرحلہ وار ہوگی، ملک کے محکمہ شہری ہوابازی نے نئی پالیسی کا اعلان کردیا۔
رپورٹ کے مطابق 1 اگست 2020 سے کویت انٹرنیشنل ایئرپورٹ کمرشل پروازوں کے لیے جزوی طور پر کھول دیا جائے گا جبکہ مکمل فضائی آپریشن کی بحالی رواں سال ممکن نظر نہیں آرہی۔
مجلس الوزراء الكويتي يوافق علـى خطـة من ثلاث مراحــــل لتشـغيـل الرحلات التجارية في #مطار_الكويت_الدولي ذهابا وايابا اعتبارا من الاول مـن اغسطس 2020 بنسبة تشغيل لا تزيد عن 30 % وفق الاشتراطات الصحية#الكويت #كونا #مجلس_الوزراء pic.twitter.com/KBuqhQe6SL
— كـــــــــــونا KUNA (@kuna_ar) June 29, 2020
کویت نے عالمگیر وبا کی وجہ سے 13 مارچ سے کویت انٹرنیشنل ایئرپورٹ اور اس سے پروازوں کی آمد ورفت معطل کردی تھی، تاہم اب پروازوں کی بحالی تین مراحل میں ہوگی، پہلا مرحلہ یکم اگست کے بعد سے 6 ماہ پر مشتمل ہوگا۔
اسی طرح دوسرا مرحلہ بھی چھ ماہ پر مشتمل ہوگا، اس کی شروعات یکم فروری2021 سے ہوگی۔ جبکہ تیسرے مرحلے کا آغاز یکم اگست 2021 سے ہوگا، جس کے بعد سے کویت انٹرنیشنل ایئرپورٹ مکمل آپریشن کی پوزیشن میں ہوگا۔
البتہ ایئرپورٹ پر کرونا سے حفاظت کے لیے ہرممکن اقدامات کو یقینی بنایا جارہا ہے۔
