فلپائنی وزارت خارجہ کے انڈر سکریٹری ایڈورڈو ڈی ویگا کا کہنا ہے کہ منیلا کویت کی حکومت کے ساتھ بیٹھنے اور فلپائنی کارکنوں کو دوبارہ کویت بھیجنے کی ممکنہ بحالی پر بات کرنے کی امید ہے، جس کے باعث عوام کو بڑے پیمانے پر روزگار کے مواقع میسر آئیں گے۔
بین الاقوامی خبر رساں ادارے کی رپورٹ کے مطابق بسام الشمری جوکہ گھریلو ملازمین کے امور کے ماہر ہیں کا اس حوالے سے کہنا تھا کہ کویت میں فلپائن ایسوسی ایشن آف ریکروٹمنٹ ایجنسی سیکرٹریز نے حال ہی میں مقامی بھرتی دفاتر کے کچھ مالکان سے 12 اکتوبر کو منیلا کے نئے گھریلو ملازمین کو دوبارہ کویت بھیجنے کے امکان پر تبادلہ خیال کرنے کے لیے زوم پلیٹ فارم کے ذریعے دوپہر 3 بجے بجے ایک فوری ورچوئل میٹنگ منعقد کرنے کے لئے کہا ہے۔
گھریلو ملازمین کے امور کے ماہر کا کہنا تھا کہ فلپائن کی طرف سے ہمیں یہ دعوت نامہ اس ایسوسی ایشن کی طرف سے صدر فرڈینینڈ مارکوس جونیئر کو دی گئی درخواست کی بنیاد پر دیا گیا ہے، تاکہ دونوں ممالک کے حکام کے درمیان مشترکہ بات چیت دوبارہ شروع ہوسکے۔
فلپائنی کارکنوں کو نئے ورکر ویزے جاری کرنے سے روکنے کے فیصلے کے بعد سے اس وقت گھریلو ملازمین کی شدید قلت سے دوچار مارکیٹ کی روشنی میں یہ دونوں ممالک کے عوام کے مفاد میں ہے۔اس سے عوام کو وسیع بنیادوں پر روزگار کے مواقع میسر آئیں گے۔
بسام الشمری کا کہنا تھا کہ کویتی مارکیٹ میں فلپائنی گھریلو ملازمین کا تخمینہ تقریباً 200,000 کارکن ہے، جو کہ مختلف قومیتوں کے ملک میں کل گھریلو ملازمین کا 50 فیصد بنتا ہے۔
اُن کا کہنا تھا کہ یہ قدم ایک نیا ”مثبت اقدام”ہے جو تنازعہ کو ختم کرنے اور تقریباً 8 ماہ قبل منقطع ہونے والے لیبر تعلقات کو دوبارہ بحال کرنے کے فلپائنی فریق کے ارادوں کی عکاسی کرتا ہے۔
