کویت سٹی : مکان میں ہولناک آتشزدگی نے 8 بچوں کو لقمہ اجل بنا دیا، مرنے والے تمام بچے سگے بھائی تھے جن کی عمریں 8 سے 14 برس کے درمیان تھی۔
غیر ملکی خبر رساں ادارے کی رپورٹ کے مطابق خلیجی ریاست کویت کی صباح سٹی میں واقع ایک رہائشی عمارت میں آتشزدگی کا خوفناک حادثہ پیش آیا جس کے نتیجے میں 8 سگے بھائی جل کر ہلاک ہوگئے جبکہ ریسکیو اہلکاروں نے 5 بچوں کو بچالیا۔
محکمہ شہری دفاع کی جانب سے بتایا گیا ہے کہ آگ اتوار کی صبح بھڑکی تھی اور واقعے کے وقت گھر میں دو ملازمائیں موجود تھی جن میں سے ایک کو گرفتار کرلیا گیا ہے۔
عرب میڈیا کی رپورٹ میں بتایا گیا ہے کہ ہلاک ہونے والے سب سے بڑے بچے کی عمر 14 جبکہ سب چھوٹے بچے کی عمر 8 برس ہے۔
ياربي سلم ياربي سلم
حريق منزل في منطقه صباح الاحمد مما تسبب بوفاة 8 أشقاء اطفال ( اولاد وبنات) وإصابة ( 5) أطفال من اشقائهم ونقلوا الي مستشفى العدان. وهروب الخادمتين من المنزل حيث تم ضبط واحدة وهي إثيوبية والأخرى هاربه،. #الكويت pic.twitter.com/KtFGgVyVGv
— أبو طلال الحمراني (@al7mrany) March 7, 2020
میڈیا رپورٹس کے مطابق تحقیقات سے معلوم ہوا ہے کہ آگ تخریب کاری کا نتیجہ ہے، زیر حراست خادمہ نے دوران تفتیش بتایا کہ مفرور خادمہ صوفے میں آگ لگاکر فرار ہوگئی تھی۔
ریسکیو اہلکاروں کے مطابق بچائے جانے والے پانچ بچے اسپتال میں زیر علاج ہیں جن کی حالت تشویشناک ہے۔ محکمہ شہری دفاع کا کہنا ہے کہ بچوں کی حالت گھر میں دھواں بھرنے کے باعث خراب ہوئی تھی۔
