کویت سٹی : پولیس نے غیر قانونی طور پر شراب کی تین فیکٹریاں چلانے والے دو ملزمان کو گرفتار کیا ہے، ملزمان کا تعلق بھارت سے بتایا جارہا ہے۔
تفصیلات کے مطابق کویت کے علاقے مھبولہ میں دو بھارتی شہریوں کے زیر انتظام شراب کی 3 فیکٹریاں پکڑی گئیں ہیں۔
اس حوالے سے کویتی ذرائع ابلاغ کا کہنا ہے کہ احمدی گورنریٹ سیکیورٹی ڈائریکٹوریٹ نے بیان جاری کیا ہے جس میں کہا گیا ہے کہ بھارتی قومیت کے دو افراد کو گرفتار کیا جو مھبولہ کے علاقے میں شراب کی 3 مقامی فیکٹریاں چلا رہے تھے۔
وزارت داخلہ میں سیکیورٹی تعلقات اور اطلاعات کی عمومی انتظامیہ نے مزید بتایا ہے کہ 86 بیرل شراب تیاری کے مراحل میں، 310 بوتلیں فروخت کے لئے تیار، 5 شراب بنانے کے متعلقہ آلات برآمد کیے گئے ہیں۔
ذرائع کے مطابق سکیورٹی فورسز نے مذکورہ جگہ کو قبضے میں لے کر ملزمان کو کارروائی کے لئے متعلقہ حکام کے قبضے میں دے دیا ہے جس کے بعد ان کے خلاف قانونی کاروائی کی جائے گی۔
