ٹینیسی: امریکی شہر نیش وِل میں انسٹاگرام پر گانے کی کامیابی کی پوسٹ کے اگلے دن امریکی نغمہ نگار کائل جیکبز نے خود کشی کر لی۔
امریکی میڈیا رپورٹس کے مطابق امریکی ریاست ٹینیسی کے شہر نیش وِل میں ایک معروف سانگ رائٹر اور گلوکارہ کیلی پکلر کے شوہر کائل جیکز نے جمعہ کو خود کو گولی مار کر زندگی کا خاتمہ کر دیا۔
ّّ، اور وہ بہ ظاہر گن شاٹ سے ہلاک ہوئے، نغمہ نگار کی موت کو خود کشی کے طور پر دیکھا جا رہا ہے۔
کیلی پکلر نے پولیس کو بتایا کہ اُس دن وہ وقت سے کچھ پہلے بیدار ہوئی تھیں، اور انھوں نے جیکبز کو نہیں پایا تو انھیں ڈھونڈنا شروع کر دیا، اور جب وہ اور ایک پرسنل اسسٹنٹ اوپر والے کمرے کا دروازہ نہ کھول سکے تو اسسٹنٹ نے 911 پر کال کی، بعد ازاں کمرے سے کائل کی لاش برآمد ہوئی۔
کائل جیکبز نے خود کشی سے ایک دن قبل اپنی آخری انسٹاگرام پوسٹ میں اپنے کیریئر کا ایک سنگ میل منایا۔ انھوں نے مشہور گلوکارہ لی برائس کے پانچویں البم ’’ہے ورلڈ‘‘ کی پلاٹینیم کامیابی پر جشن منانے والی پوسٹ شیئر کی تھی، اس البم کا گانا کائل جیکبز نے لکھا تھا، جس پر انسٹاگرام پوسٹ میں انھوں نے لکھا کہ ’’اس کا تخلیقی حصہ بننا میرے لیے ایک اعزاز ہے۔‘‘
