اسلام آباد: کرغزستان سے سندھ کے لیے پہلی پرواز کراچی ایئرپورٹ پہنچ گئی، وزیر اعلیٰ سندھ مراد علی شاہ نے کرغزستان میں پھنسے طالب علموں کی واپسی پر ان کا استقبال کیا۔
سول ایویشن اتھارٹی کے مطابق جناح انٹرنیشنل ایئرپورٹ ٹرمینل 1 پر بشکیک کرغزستان سے ایک اور فلائٹ 171 طلبہ کو لے کر کراچی پہنچ گئی، پی آئی اے فلائٹ 6260 صبح 08 بجکر 40 منٹ پر جناح انٹرنیشنل ایئرپورٹ پہنچی۔
وزیر اعلیٰ سندھ مراد علی شاہ، وزارت خارجہ اور او پی ایف اہلکاروں نے طلبہ کو خوش آمدید کہا۔ طلبہ کے والدین اور دیگر رشتہ دار بھی کراچی ایئرپورٹ پر موجود تھے۔
اس موقع پر بات چیت کرتے ہوئے وزیر اعلیٰ سندھ نے کہا کہ کرغزستان میں پھنسے سندھ کے 205 طلبہ کو واپس لایا گیا ہے، صوبائی حکومت طلبہ کی واپسی سے متعلق مسلسل رابطے میں رہی، اس سفر کا انتظام بھی صوبائی حکومت نے کیا۔
کراچی آنے والی آج کی فلائت میں 205 طلبہ کی واپسی ہوئی ہے، جن میں 55 لڑکیاں اور 150 لڑکے ہیں، کرغزستان سے واپس آنے والے 99 طلبہ کا تعلق کراچی سے ہے۔ طلبہ نے حکومت سندھ اور وزیر اعلیٰ کا شکریہ ادا کیا۔
