سری نگر : کارگل ہل کونسل کے حالیہ انتخابات میں نیشنل کانگریس اپوزیشن اتحاد اور کانگریس نے کامیابی حاصل کرلی، اپوزیشن کی جیت کو بھارتیہ جنتا پارٹی کے لیے ایک اہم دھچکا سمجھا جارہا ہے۔
تفصیلات کے مطابق کشمیری عوام نےکارگل ہل کونسل انتخابات میں بھارتیہ جنتا پارٹی کومسترد کردیا ، کارگل ہل کونسل کےحالیہ انتخابات میں نیشنل کانگریس اپوزیشن اتحاد اور کانگریس نے کامیابی حاصل کرلی۔
نیشنل کانگریس نے 12، کانگریس نے 10، آزاد امیدواروں نے 2 اور بھارتیہ جنتا پارٹی صرف 2 سیٹیں حاصل کرنے میں کامیاب ہوئی۔
سال 2019 میں آرٹیکل 370 ختم کیے جانے کے بعد مقبوضہ کشمیرمیں یہ کسی بھی نوعیت کے پہلےالیکشن تھے، اپوزیشن کی جیت کوبھارتیہ جنتا پارٹی کے لیے ایک اہم دھچکا سمجھا جا رہا ہے۔
سابق وزیراعلیٰ محبوبہ مفتی کا کہنا ہے کہ مقبوضہ کشمیرکی عوام نے ہندوتوا نظریے کو مسترد کردیا ہے۔
