بالی ووڈ کی معروف اداکارہ گریسی سنگھ سالوں بعد منظرعام پر آگئیں۔
اداکارہ گریسی سنگھ نے 2001 عامر خان کے ساتھ کامیاب فلم ’لگان‘ میں مرکزی کردار نبھایا اس کے بعد 2003 میں ’منا بھائی ایم بی ایس ایس‘ میں بھی ان کی اداکاری کو خوب سراہا گیا۔
لگان اور منا بھائی ایم بی بی ایس کی کامیابی کے بعد گریسی سنگھ ’گنگا جل‘ اور ’مسکان‘ میں اداکاری کے جوہر دکھائے لیکن اس کے بعد وہ فلموں سے غائب ہوگئیں۔
البتہ انہوں نے 2021 میں ٹی وی ڈرامے میں کام کیا جسے بہت کم لوگ ہی جانتے ہیں۔
تاہم اب اداکارہ سالوں بعد سامنے آئیں اور انہوں نے اشوتوش گواریکر کے بیٹے کونراک گواریکر کی شادی میں شرکت کی جس میں عامر خان سمیت دیگر اداکار بھی شریک ہوئے۔
گریسی سنگھ نے اس موقع پر فوٹو گرافر کے ساتھ تصاویر بھی بنوائیں۔
انہوں نے گلابی رنگ کا لہنگا زیب تن کیا اور اس کے ساتھ میچنگ کی جیولری بھی پہن رکھی تھی۔
