The news is by your side.

Advertisement

لاہوردھرنا ختم کرانا بھی خادم حسین رضوی کی ذمہ داری ہے، رانا ثناء اللہ

لاہور : وزیرقانون پنجاب رانا ثناء اللہ نے کہا ہے کہ لاہور کا دھرنا ختم کرانا بھی مولانا خادم حسین رضوی کی ذمہ داری ہے، حکومت اور تحریک لبیک کے درمیان یہی معاہدہ ہوا ہے، مظاہرین میرا استعفیٰ مانگتے تو میں بھی دے دیتا۔

ان خیالات کا اظہار انہوں نے اے آر وائی نیوز کے پروگرام الیونتھ آور میں میزبان وسیم بادامی سے خصوصی گفتگو کرتے ہوئے کیا۔

رانا ثناء اللہ کا کہنا تھا کہ فیض آباد دھرنے والوں کا مطالبہ زاہد حامد کا استعفیٰ تھا، ان کا مطالبہ مان لیا گیا، اگر مظاہرین میرے استعفے کا مطالبہ کرتے تو میں بھی استعفی دے دیتا۔

ان کا مزید کہنا تھا کہ لاہور دھرنا ختم کرانا مولانا خادم حسین رضوی کی ذمہ داری ہے کہ وہ معاہدے کی عمل داری کرائیں، یہ اسلام آباد اور لاہور والے مظاہرین کا آپس کا معاملہ ہے۔


مزید پڑھیں: لاہورمیں مذہبی جماعت کا دھرنا ختم کرنے سے انکار


یاد رہے کہ پنجاب اسمبلی کے باہر دھرنا دیئے بیٹھے مظاہرین نے فیض آباد کا دھرنا ختم ہونے کے باوجود اپنا دھرنا ختم کرنے سے انکار کردیا ہے۔

دھرنا قائدین کا مطالبہ ہے کہ وزیر قانون پنجاب رانا ثنا اللہ کو بھی برطرف کیا جائے، انہوں نے واضح کیا کہ ہمارا دھرنا فیض آباد دھرنے سے مشروط نہیں ہے۔

Print Friendly, PDF & Email

Comments

comments

یہ بھی پڑھیں