لاہور: کاہنہ میں سی آئی اے پولیس نے مقابلے کے دوران دہشتگرد ہلاک جبکہ حساس ادارے کے اہلکارکو بازیاب کروالیا۔
تفصیلات کے مطابق رات گئے لاہور کے علاقے کاہنہ میں دہشتگردوں کی اطلاع پر چھاپہ مارا گیا تو دہشتگردوں نے پولیس پر فائرنگ کر دی گئی، جوابی فائرنگ میں ایک دہشتگرد موقع پر ہلاک ہوگیا، جس کی شناحت خرم لطیف کے نام سے ہوئی، ہلاک دہشتگرد کے دو ساتھی فرار ہونے میں کامیاب ہوگئے۔
پولیس نے دہشت گردوں کے ٹھکانے سے کلاشنکوف، ہینڈگرنیڈز اور دیگر اسلحہ قبضے میں لے لیا۔
- Advertisement -
سی آئی اے پولیس کا کہنا ہے کہ دہشتگردوں کے قبضے سے دو سال قبل اغوا ہونے والے حساس ادارے کے مغوی اہلکار اکبر زمان کو بھی بازیاب کروالیا گیا ہے، جس کو اغوا کاروں نے زنجیروں میں جکڑ کر رکھا ہوا تھا۔
