The news is by your side.

Advertisement

ای چالان کا میسج نے آنے پر “بااثر خاتون” کا دکاندار پر تشدد

لاہور: ای چالان کا میسج نہ آنے پر بااثر خاتون نے دوکاندار کو تشدد کا نشانہ بناڈالا۔

تفصیلات کے مطابق واقعہ لاہور کے پوش علاقے ڈیفنس میں پیش آیا ،جہاں بااثر خاتون نے محض دوکاندار کو اس لئے تشدد کا نشانہ بنایا کہ اس کے پاس ای چالان جمع کرانے کا پیغام نہیں آیا۔

متاثرہ دوکاندار نے بااثر خاتون کے خلاف ڈیفنس تھانے سیکشن اے میں اندراج مقدمے کی درخواست دی، جہاں اسے بھی مایوسی کا سامنا کرنا پڑا، کیونکہ پولیس نے خاتون کے خلاف مقدمہ درج کرنے سے معذرت کرلی ہے۔

دکاندار کا موقف تھا کہ مجھ پر ہونے والے تشدد کی میڈیکل رپورٹ بھی پولیس حکام کو دی جاچکی ہے، بااثر خاتون نے تشدد کے دوران میرا لیپ ٹاپ اورموبائل فون بھی توڑدیا تھا، تاہم پولیس اب مقدمہ درج کرنے سے کترارہی ہے۔

واضح رہے کہ گذشتہ سال نومبر میں لاہور کی سیف سٹیز اتھارٹی نے ای چالان نادہندگان کو ایس ایم ایس کے زریعے بھیجنے کا آغاز کیا تھا جبکہ ای چالان کا آغاز ستمبر دو ہزار بیس میں ہوا تھا۔

Comments

یہ بھی پڑھیں