آئرلینڈ: جیلیں انسانوں کے لیے بنائی جاتی ہیں تاہم آئرلینڈ میں ایک بے چاری کھوئی ہوئی بھیڑ کو بھی رات جیل میں گزارنی پڑ گئی۔
تفصیلات کے مطابق آئرلینڈ کی پولیس نے ایک دل چسپ واقعے سے متعلق بیان جاری کرتے ہوئے کہا ہے کہ سڑک پر ایک بھیڑ ملی تھی جسے مالکان تک پہنچنے سے قبل جیل کی کھولی میں رات کاٹنی پڑی۔
آئرلینڈ کی قومی پولیس فورس گرڈا کا کہنا ہے کہ اہل کاروں کو ایک ڈرائیور نے فون کر کے اطلاع دی تھی کہ دیہی قصبے ٹپریری میں ایک سڑک پر ایک لاوارث بھیڑ آوارہ گردی کرتے دیکھی گئی ہے۔
پولیس اہل کاروں نے اطلاع ملنے کے بعد مذکورہ جگہ پہنچ کر بھیڑ کو اپنی تحویل میں لیا اور اسے جیل لے کر گئے، پولیس ایک طرف بھیڑ کے مالکان کی تلاش کر رہی تھی، دوسری طرف بھیڑ کو وہ رات جیل کی کھولی میں گزارنی پڑی۔
This little fella was found over the weekend by Gardaí in Clonmel after he became separated from his flock.
Many thanks to the person who phoned this in after locating him on the road. He was cared for overnight and returned to his grateful owner yesterday morning. 🐑 pic.twitter.com/3ptOvFZxzg
— Garda Info (@gardainfo) April 19, 2021
پولیس کا کہنا ہے کہ اگلی صبح بھیڑ کے مالکان کا پتا چلا، اور بھیڑ کو ان کے حوالے کر دیا گیا۔
معلوم ہوا کہ مذکورہ بھیڑ ریوڑ سے بچھڑ گئی تھی، اس کے بعد اس نے اپنا راستہ کھو دیا، مالک کو بھی پتا نہیں چلا، پولیس نے اس سلسلے میں ایک ٹوئٹ کرتے ہوئے فون کرنے والے شخص کا شکریہ ادا کیا جس نے بھیڑ کو سڑک پر دیکھا تھا۔
پولیس کا کہنا تھا کہ جیل میں بھیڑ کا خیال رکھا گیا اور اگلے دن صبح بھیڑ مالک کو لوٹائی گئی۔
