تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بنوں میں بارودی سرنگ کا دھماکا، پاک فوج کا جوان شہید

راولپنڈی: صوبہ کے پی کے ضلع بنوں میں دیسی ساختہ بارودی سرنگ کے دھماکے میں ایک جوان شہید ہوگیا ہے۔

آئی ایس پی آر کے مطابق بنوں کے علاقے جانی خیل میں ایک دیسی ساختہ بم کا دھماکا ہوا، جس کے نتیجے میں سپاہی گل شیر شہید ہوگئے، گل شیر کی عمر 24 سال اور ان کا تعلق ضلع خیبر سے تھا۔

آئی ایس پی آر نے کہا ہے کہ کسی بھی دہشت گرد کو ختم کرنے کے لیے علاقے میں کلیئرنس آپریشن جاری ہے۔

اس سے قبل رواں ماہ کی انیس تاریخ کو بھی ضلع خیبر کی تختہ بیگ پولیس چیک پوسٹ پر دہشتگردوں نے راکٹوں سے حملہ کیا تھا۔

یہ بھی پڑھیں:  ایرانی سرحد سے دہشت گردوں کا حملہ، پاک فوج کے 4 جوان شہید

حملے میں پولیس کے دو جوان شہید جبکہ تین زخمی ہوئے تھے پولیس کی جوابی کارروائی میں ایک حملہ آور بھی ہلاک ہوا تھا ہلاک دہشتگرد خودکش بمبار تھا۔

سولہ جنوری کو بھی خیبر پختونخوا کے سربند پولیس اسٹیشن پر دہشتگردوں نے حملہ کیا تھا جس کے نتیجے میں ڈی ایس پی سردار حسین سمیت 3 اہلکار شہید ہوگئے تھے۔

Comments

- Advertisement -