قاہرہ : لبنان کی معروف پاپ گلوکارہ اور اداکارہ ہیفاء کو مختصر لباس پہن کر میوزک کنسرٹ کرنے پر موسیقاروں کی سینڈیکٹ کے روبرو پیش ہو کر اپنا موقف پیش کرنے کا نوٹس ملا ہے۔
تفصیلات کے مطابق لبنان سے تعلق رکھنے والی خوبصورت گلوکارہ اور اداکارہ ہیفاء وہبی کو یہ نوٹس قاہرہ کی ایک یونیورسٹی میں منعقد ہونے والے میوزک کنسرٹ میں مختصر کپڑے زیب تن کر کے شرکت کرنے پر بھیجا گیا جس پر صحافیوں سمیت کئی لوگوں نے شکایات درج کرائی تھیں۔
عرب خبر رساں ایجنسی کے مطابق ہیفاء وہبی قاہرہ میں واقع امریکی یونیورسٹی میں نیکر اور ٹی شرٹ پہنے اپنے فن کا مظاہرہ کر رہی تھیں جس پر لبنان کے عوام نے ناراضی کا اظہار کرتے ہوئے موسیاقاروں کی یونین میں شکایات جمع کرائیں جس پر گلوکارہ کو نوٹس بھیجوایا گیا ہے۔
معروف گلوکارہ اور اداکارہ نے نوٹس پر حیرانگی کا اظہار کرتے ہوئے سماجی رابطے کی ویب سائٹ ٹویٹر پر تحریرکیے گئے اپنے پیغام میں کہا کہ
’’مجھے یہ سن کر حیرت ہوئی ہے کہ ایک خاتون صحافی نے موسیقاروں کی یونین کے ہاں میرے خلاف ایک شکایت درج کرائی جس میں موصوفہ کو قاہرہ میں امریکی یونیورسٹی کے کنسرٹ میں مختصر لباس پر اعتراض تھا جب کہ حقیقت یہ ہے کہ مصر میں میری کامیابیوں کے بعد ایسا جان بوجھ کر کیا جارہا ہے؟ کیا میرا اس طرح نظر آنا کسی کے لیے واقعی ایک اچھنبے کی بات ہے؟ خیر ۔۔۔ اب مجھے تحقیقات کے لیے طلب کیا گیا ہے اور ممکن ہے میرے نمائندوں سے بھی پوچھ گچھ کی جائے‘‘۔
خاص – هيفا وهبي تُستدعى للتحقيق ونحن نطالب النقابتين المصرية واللبنانية بالتدخل فوراً
https://t.co/PHhq86XxPj@HaifaWehbe @Haifaholics pic.twitter.com/8scChHM6yc— bisara7a.com|بصراحة (@bisara7a) November 2, 2017
خیال رہے کہ مصر میں مقیم لبنانی اداکارہ اور گلوکارہ کو ایک ماہ قبل مصری پروڈیوسر محمد آل سبکی کے ساتھ بھی تنازعے کا سامنا رہا ہے جس کے بعد وہ کافی عرصے تک خبروں میں گردش کرتی رہیں اور ابھی یہ تنازعہ بیٹھا نہیں تھا کہ اب وہ کنسرٹ میں مختصر لباس پہننے کی بناء پر ایک اور تند و تیز بحث کا موضوع بن گئی ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
