پرانے ڈیزائن کے تمام نوٹوں کی قانونی حیثیت یکم دسمبرکو ختم ہو جائے گی

کراچی: پرانے ڈیزائن کے تمام بینک نوٹوں کی قانونی حیثیت رواں سال یکم دسمبرکو ختم ہو جائے گی۔

اسٹیٹ بینک کے مطابق باقی رہ جانے والے 10، 50، 100 اور 1000 روپے کے پرانے ڈیزائن کے بینک نوٹوں کو مرحلہ وار ختم کر دیا جائے گا۔ کمرشل اور مائیکروفنانس بینک 30 نومبر تک 10، 50، 100 اور 1000 روپے کے پرانے ڈیزائن کے بینک نوٹوں کی وصولی اور ان تمام مالیتوں کا اتنی ہی مالیت کے نئے ڈیزائن کے بینک نوٹوں اور سکوں سے تبادلہ جاری رکھیں گے۔

تاہم اسٹیٹ بینک کے فیلڈ دفاتر دسمبر 2021ء تک عوام سے 10، 50، 100 اور 1000 روپے کے پرانے ڈیزائن کے بینک نوٹ تبدیل کرتے رہیں گے۔

واضح رہے کہ وفاقی حکومت کی جانب سے گزشتہ برس 4 جون 2015ءکو جاری کردہ گزٹ نوٹی فکیشن کے مطابق یکم دسمبر 2016ء سے پرانے ڈیزائن کے بینک نوٹوں کی قانونی حیثیت ختم ہو جائے گی۔

Comments