لندن: برطانیہ میں آکسفورڈ شائر کے ویسٹ پلانٹ میں آسمانی بجلی گرنے سے بائیو گیس ٹینک ہولناک دھماکے سے پھٹ گیا۔
غیر ملکی میڈیا رپورٹس کے مطابق برطانیہ میں آسمانی بجلی گرنے سے ری سائیکلنگ پلانٹ میں زور دار دھماکے کے بعد آگ لگ گئی، آکسفورڈ شائرمیں رات کے وقت لگنے والی آگ نے آسمان کو روشن کر دیا۔
آسمانی بجلی گرنے سے بائیو گیس ٹینک پھٹ گیا تھا جس سے پورا علاقہ دھماکوں سے گونج اٹھا، اور لوگوں میں شدید خوف و ہراس پھیل گیا، لوگوں نے آگ کا گولہ فضا میں دور سے بلند ہوتے دیکھا۔
دھماکے کے بعد ایک ہزار سے زائد گھروں کو بجلی کی فراہمی معطل کر دی گئی، وٹنی، بریڈفورڈ، چپنگ مارٹن اور ملٹن انڈروائچووڈ کے علاقے اندھیرے میں ڈوب گئے۔
There has been a large explosion in Oxfordshire tonight. Suggestions from eye witnesses are a possible lightning strike.
▶️ Read more ⤵️https://t.co/QxCX6nLJF7 pic.twitter.com/rHE7bBeGjy
— BBC Radio Oxford (@BBCOxford) October 2, 2023
متاثرہ پلانٹ ضائع شدہ خوراک کو بائیو گیس میں تبدیل کرنے کا کام کرتا تھا، اور سالانہ 50 ہزار ٹن سے زیادہ ٹھوس اور مائع ویسٹ کو پروسس کرتا ہے۔
پلانٹ کے ترجمان نے بتایا کہ آکسفورڈ شائر کے قریب یارنٹن میں واقع کیسنگٹن پلانٹ میں ایک ڈائجسٹر ٹینک پر آسمانی بجلی گر گئی تھی، جس سے اس کے بائیو گیس ٹینک میں دھماکا ہوا، خوش قسمتی سے واقعے میں کوئی زخمی نہیں ہوا۔