نئی دہلی: بھارتی زوو میں موجود شیرنی کوروناوائرس کے باعث ہلاک ہوگئی۔
غیرملکی خبررساں ادارے کی رپورٹ کے مطابق بھارتی شہر چنائے میں قائم زوو میں شیرنی کورونا کے باعث زندگی کی بازی ہار گئی جبکہ دیگر 9 شیروں کے کورنا ٹیسٹ مثبت آئے ہیں۔
رپورٹ میں بتایا گیا کہ 9 سالہ شیرنی میں کورونا علامات بھی دیکھی گئیں جس کے بعد موت واقع ہوئی۔ آرگنار نامی زوو میں دیگر 9 شیروں کی کورونا رپورٹس مثبت آئیں۔
ماہرین کی نگرانی میں کورونا کے شکار جانوروں کو قرنطینہ کردیا گیا ہے۔ پارک انتظامیہ کا کہنا ہے کہ 3 جون کو نیلا نامی شیرنی میں کوروناوئرس کی تصدیق ہوئی تھی اور ایک دن بعد ہی ہلاک ہوگئی۔
کروناوائرس: گوریلے کو اچانک کیا ہوگیا؟
ماہرین کا ماننا ہے کہ وائرس انسانوں سے جانوروں میں جاسکتا ہے لیکن جانوروں سے انسانوں میں منتقل نہیں ہوتا۔ البتہ محققین نے مختلف پہلوؤں کا جائزہ لینا شروع کردیا ہے۔
واضح رہے رواں برس اپریل میں نیویارک کے چڑیا گھر میں بھی سات شیر کرونا وائرس سے متاثر ہوئے تھے۔ جبکہ ہانگ کانگ میں ایک پالتو کتے میں وائرس کی تصدیق ہوئی تھی جو انسان سے جانور کو یہ وائرس منتقل ہونے کا پہلا کیس تھا۔
