لائپو سکشن ایک ایسی کاسمیٹک سرجری ہے جس کے ذریعے انسانی جسم کے مختلف حصوں کی چربی ختم کی جاتی ہے، لوگ موٹاپے سے فوری چھٹکارے کیلئے اس طریقہ علاج کو اپناتے ہیں۔
پاکستان میں تقریباً دس سال قبل لائپو سکشن سرجری متعارف کرائی گئی تھی جس میں آپریشن کے ذریعے جسم سے فالتو چربی نکال لی جاتی ہے۔
طبی لحاظ سے یہ سرجری کروانا کتنا سود مند یا نقصان دہ ہے اس کی معلومات اے آر وائی نیوز کے پروگرام باخبر سویرا میں معروف کوسماٹو لوجسٹ ڈاکٹر خرم مشیر نے ناظرین کو اہم باتیں بتائیں۔
انہوں نے کہا کہ دنیا بھر میں موٹاپے کے خاتمے کے لیے سرجریاں کرائی جاتی ہے، لیکن ماہرین کا ماننا ہے کہ آپریشن کے ذریعے اس کے علاج سے انسانی جسم میں دیگر سنگین امرض جنم لیتے ہیں۔
ڈاکٹر خرم مشیر نے بتایا کہ موٹاپا کم کرنے کیلئے اس قسم کی سرجری نہیں کروانی چاہیے اس بات کا قوی امکان ہے کہ سرجری کرانے کے بعد انسان کی طبعی عمر 15 سے 16 سال کم ہوجاتی ہے کی جس ٹھوس وجوہات ہیں۔
ان کا کہنا تھا کہ آپریشن کیلئے عمر کی کوئی قید نہیں ہے، جگر کی بیماریوں میں مبتلا لوگ جن کا خون پتلا ہوتا ہے اس کے علاوہ شوگر، بلڈپریشر کے مریضوں کو اس سے احتیاط برتنی چاہیے۔ یہ سرجری ہر قسم کی جلد کیلئے موزوں ہے۔ ہاں اگر آپ کو کسی قسم کی اسکن الرجی ہے تو پھر مسئلہ ہوسکتا ہے۔
