کراچی: پاکستانیوں کے لے ایک اور خوشخبری ، ورجن اٹلانٹک نے مانچسٹر کے بعد لندن سے بھی پاکستان کیلئے فضائی آپریشن شروع کردیا ہے۔
تفصیلات کے مطابق ورجن اٹلانٹک کی پہلی پرواز لندن سے ڈیڑھ سو سے زائد مسافروں کو لے کر لاہور پہنچی، لاہور پہنچنے پر برطانوی قونصل خانے کے عملے اور ایئرپورٹ افسران نے مسافروں کو استقبال کیا۔
گیارہ دسمبر کو ورجن اٹلانٹک کی پرواز مانچسٹر سے اسلام آباد کےلیے شروع کی گئی تھی، برطانوی ایئرلائن ورجن اٹلانٹک کی ہفتے میں 20 پروازیں پاکستان آئیں گی، پہلی پرواز پاکستان پہنچنےپر وزیر اعظم کے معاون خصوصی زلفی بخاری اور برطانوی ہائی کمشنر کرسچن ٹرنر نے مسافروں کو استقبال کیا تھا۔
یہ بھی پڑھیں: مہنگی لیز پر حاصل اے ٹی آر72 طیارے قومی ایئر لائن کے بیڑے سےخارج
کرسچن ٹرنر نے سماجی رابطے کی ویب سائٹ ٹوئٹر پر ورجن اٹلانٹک کی پروازیں پاکستان آنے پر مبارک باد دیتے ہوئے کہا کہ ہفتے میں 20 پروازوں کا پاکستان آنا خوش آئند ہے۔
Bauhat Mubarak 🇵🇰 ! With @sayedzbukhari at touch-down of the first @VirginAtlantic flight. From 0 🇬🇧 flights to 20 a week is a sign of confidence in Pakistan #UKPakDosti pic.twitter.com/fS9hfOHINM
— Christian Turner (@CTurnerFCDO) December 11, 2020
خیال رہے کہ کچھ رواں برس اگست میں ہی برٹش ایئر ویز نے پاکستان کا فضائی آپریشن بحال کیا تھا۔
