The news is by your side.

Advertisement

دہشت گردی کے شبہے میں لندن ائیرپورٹ پرمسافرگرفتار

لندن: دہشت گرد حملوں کے شبے میں لندن پولیس نے گیٹ وک ائیرپورٹ پرایک شخص کو گرفتارکرلیا۔

تفصیلات کے مطابق لندن کے میٹروپولیٹن کاؤنٹر ٹیررازم افسران کے ہاتھوں گرفتار 55 سالہ شخص مراکش سے ایک پرواز کے ذریعے برطانیہ پہنچا تھا۔

پولیس کا کہنا ہے کہ مشتبہ شخص کو دہشت گردی کی حمایت کرنے پر گرفتار کیا گیا ہے۔کاونٹر ٹیررازم ڈیپارٹمنٹ نے کہا ہے کہ مراکش سے آنے والا مسافر دہشت گردی پر مبنی مواد چھاپنے اور اس کی تشہیر میں ملوث ہے۔

مشتبہ شخص کو جنوبی لندن کے پولیس اسٹیشن کے حوالے کردیا گیا ہے جہاں اس کے سلسلے میں مزید تحقیقات کی جائیں گی۔ دہشت گردی کے شبہے میں گرفتار ہونے والے شخص کے بارے میں یہ معلوم نہیں ہوسکا ہے کہ وہ کس ملک کا باشندہ ہے۔

لندن دہشت گردی: رواں سال چار بڑے واقعات، 13 افراد ہلاک

واضح رہے کہ ’میٹ‘ ڈیپارٹمنٹ کو ممکنہ دہشت گردانہ سرگرمیاں روکنے کے لیے قائم کیا گیا ہے تاکہ برطانیہ کو ہر قسم کے دہشت گردی کے واقعات سے محفوظ رکھا جاسکے۔

اس ڈیپارٹمنٹ نے اب تک دہشت گردی کے متعدد منصوبے ناکام بنائے ہیں اور کئی مشتبہ افراد کو حراست میں لیا جاچکا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں