The news is by your side.

Advertisement

کم قیمت آئی فون جلد ہی دستیاب ہوں گے

امریکی ملٹی نیشنل ٹیکنالوجی کمپنی ایپل اپنے صارفین کے لیے کم قیمت والا 5 جی موبائل فون متعارف کروانے پر غور کر رہی ہے۔

بلوم برگ کی ایک رپورٹ کے مطابق ایپل رواں سال مارچ میں اپنے کم قیمت والے 5 جی موبائل فون اور آئی پیڈ متعارف کروائے گی۔

رپورٹس کے مطابق اکتوبر 2021 کے بعد ایپل کی پہلی پروڈکٹ متعارف کروائی جائے گی جبکہ اس کی تقریب کرونا وبا کے خطرے کے پیشِ نظر ورچوئل منعقد ہوگی۔

ایپل کی جانب سے فی الحال ایک کم قیمت والا آئی فون 2020 میں متعارف کروایا گیا تھا جسے آئی فون ایس ای کہا جاتا ہے اور اس کی قیمت تقریباً 400 ڈالرز (یعنی تقریباً 70 ہزار پاکستانی روپے) ہے۔

کہا جارہا ہے کہ نیا متعارف کروائے جانے والا کم قمیت کے آئی فون کا ڈیزائن گزشتہ فون سے یکساں ہوسکتا ہے تاہم صارفین کے لیے اس میں تیز پروسیسر، اچھا کیمرا اور 5 جی سپورٹ شامل ہوگی۔

اس کے علاوہ بلوم برگ کی رپورٹ کے مطابق آئی پیڈ ایئر کا اپ ڈیٹ ورژن بھی متعارف کروایا جائے گا، اس ڈیوائس کو آخری بار اکتوبر 2020 میں اپ ڈیٹ کیا گیا تھا اور فی الحال اس کی قیمت 599 ڈالر ہے۔

Comments

یہ بھی پڑھیں