کراچی: شہر قائد میں ایک باپ بیٹے پر زمین کے کاغذات کے تنازع پر بااثر افراد نے مددگار پولیس کے سامنے بدترین تشدد کیا۔
تفصیلات کے مطابق کراچی کے علاقے شاہ لطیف ٹاؤن میں مددگار 15 پولیس کی بزدلی اور نااہلی کا ایک واقعہ پیش آیا ہے، جس میں اہلکاروں کے سامنے بااثر افراد نے باپ بیٹے کو تشدد کا نشانہ بنایا۔
پولیس اہلکار تشدد کرنے والے افراد کو روکنے میں ناکام رہے، مدگار 15 کے پہنچتے ہی ایک گروپ نے باپ بیٹے کو بدترین تشدد کا نشانہ بنایا۔
- Advertisement -
ذرائع کا کہنا ہے کہ باپ بیٹا شاہ لطیف ٹاؤن ایم ڈی اے کی بیلٹ فائل پر کام کروانے پہنچے تھے، تاہم زمین کے کاغذات کے تنازعے پر مخالف گروپ نے سڑک پر پولیس کے سامنے ہی عدالت لگا لی۔
پولیس اہلکار باپ بیٹے کو بچانے کے بجائے خاموش تمائشی بن گئے، اور تشدد میں ملوث کسی شخص کو پولیس نے نہیں روکا۔
