The news is by your side.

Advertisement

سعودی حکومت مسجدِ نبوی ﷺ کی تاریخی حیثیت بحال کرنے لیے کوشاں ہے: گورنرمدینہ

جدہ: مدینہ منورہ کے گورنر شہزادہ فیصل بن سلمان نے مسجدِ نبوی ﷺ کا دورہ کرکے تعمیراتی کاموں کا معائنہ کیا، تعمیراتی کام جنوبی دیوار کی تاریخی حیثیت کو بحال کرنے کے لیے انجام دیا جارہا ہے۔

تفصیلات کے مطابق مدینہ منورہ کے گورنر مسجد نبوی ﷺ کا دورہ کرنے پہنچے تو ان کے ہمراہ حرمین شریفین کے انڈر سیکرٹری شیخ صالح بن خالد المذائنی بھی ان کے ہمراہ تھے، دونوں اہم شخصیات نے مسجد ِ نبوی ﷺ کی جنوبی دیوار پر ہونے والے کام کی جانچ پڑتال کی۔

اس موقع پر ان کے ہمراہ مدینہ کے انڈر سیکرٹری وہیب الساحلی اور مدینہ ریجنل ڈیلوپمنٹ اتھارٹی کے سی ای او فہد البلیشی بھی موجود تھے ۔مدینہ کے گورنر کا کہنا تھا کہ سعودی حکومت ہمیشہ سے مسجدِ نبویﷺ کی تاریخی اہمیت کو بحال کرنے اور اس کی وقتاً فوقتاً مرمت کرنے کے لیے کوشاں رہی ہے۔

گورنر مدینہ شہزادہ فیصل بن سلمان کا کہنا تھا کہ مسجد کی جنوبی دیوار کو ڈھانپنے والے لکڑی کے دروازے جب سے ہٹائے گئے ہیں تب سے وہ باقی تعمیرا ت سے الگ لگ رہی تھی، لہذا اسے اس کی تاریخی شکل میں بحال کرنے کے لیے کام جاری ہے۔

انہوں نے مزید کہا کہ دیوار کی بحالی کا کام مدینہ ریجنل ڈیلپومنٹ اتھارٹی اور حرمین شریفین کے معاملات کی دیکھ بھال کے لیے قائم جنرل پریزیڈنسی مشترکہ طور پر کررہی ہیں اور اس کام میں انتہائی اعلیٰ سطحی معیار کو برقرار رکھا جارہا ہے جس کے لیے ملکی اور غیرملکی ماہرین کی خدمات حاصل کی گئی ہیں۔

Comments

comments

یہ بھی پڑھیں