بھارت کی ریاست مہاراشٹر میں خاتون پائلٹ کا طیارہ گر کر تباہ ہوگیا جس کے نتیجے میں وہ زخمی ہوگئیں۔
بھارتی میڈیا رپورٹس کے مطابق بھارت میں سنگل سیٹر تربیتی طیارہ تکنیکی خرابی کے باعث شہر پونے میں گر کر تباہ ہوا۔
#WATCH | Maharashtra: A trainee aircraft crashed in a farm in Kadbanwadi village of Indapur taluka in Pune district today around 11.30am. 22-yr-old trainee pilot, Bhavika Rathod injured. Aircraft belongs to Carver Aviation, Baramati. Its staff present at spot. Investigation is on pic.twitter.com/Z895LQAXn2
— ANI (@ANI) July 25, 2022
حادثے میں زخمی ہونے والی 22 سالہ خاتون پائلٹ بھاونا راٹھور کو معمولی چوٹیں آئیں جنہیں فوری طور پر طبی امداد کے لیے اسپتال منتقل کردیا گیا۔
نجی ایوی ایشن اسکول کے طیارے نے پونے کے بارامتی ہوائی اڈے سے اڑان بھری تھی جو تکنیکی خرابی کے باعث ٹیک آف کے فوری بعد زمین پر آگرا۔
بھارتی میڈیا کے مطابق طیارے کا اگلا حصہ مکمل طور پر تباہ ہوگیا ہے۔