عالمی شہرت رکھنے والی پاکستانی شوبز انڈسٹری کی نامور اداکارہ ماہرہ خان نے پاؤں پر لگی چوٹ کی تفصیلات مداحوں کے ساتھ شیئر کر دی۔
حال ہی میں ماہرہ خان کی ایک تصویر سوشل میڈیا پر لوگوں کی توجہ کا مرکز بنی تھی جس میں انہیں بیساکھی کے ساتھ دیکھا گیا تھا۔ اداکارہ نے اس متعلق تفصیلات فراہم نہیں کی تھیں جس کے باعث ان کے مداح پریشانی میں مبتلا ہوگئے تھے۔
ماہرہ خان نے آنجہانی بھارتی اداکارہ پروین بابی کا روپ دھارتے ہوئے فوٹوشوٹ کروایا جس کی کچھ جھلکیاں انہوں نے انسٹاگرام اسٹوری کے ذریعے مداحوں کے ساتھ شیئر کی۔
فوٹو شوٹ کی ایک ویڈیو پوسٹ کرتے ہوئے ماہرہ خان نے لکھا کہ پاؤں پر چوٹ آنے کے بعد یہ میرا مشکل ترین پہلا فوٹو شوٹ تھا۔
اداکارہ کے مطابق ان کے دائیں پاؤں میں تین فریکچر ہیں جن کا علاج جاری ہے۔ انہوں نے کہا کہ میں زیادہ حرکت نہیں کر سکتی تھی۔
آخر میں انہوں نے اپنی ٹیم کے بارے میں لکھا کہ وہ بہت پیاری اور دیکھ بھال کرنے والی تھی۔
