کراچی: بین الاقوامی شہرت یافتہ اداکارہ ماہرہ خان نے وزیراعظم عمران خان کا شکریہ ادا کیا۔
تفصیلات کے مطابق وزیراعظم عمران خان نے اپنے ایک بیان میں کہا کہ اقلیتیں پاکستان کے مساوی شہری ہیں جس پر ماہرہ خان نے ان کا شکریہ ادا کیا۔
ماہرہ خان نے سماجی رابطے کی ویب سائٹ ٹویٹر پر لکھا کہ ’یہ میرے پاکستان کا لیڈر ہے۔‘ اسے اونچی آواز میں صاف کہہ دو۔
This is MY Pakistan’s leader!!! Say it loud and clear. Thank you @ImranKhanPTI 🇵🇰 https://t.co/jH1UHnM4yx
— Mahira Khan (@TheMahiraKhan) February 26, 2020
واضح رہے کہ اس سے قبل وزیراعظم عمران خان نے کہا تھا کہ میں اپنے لوگوں کو متنبہ کرنا چاہتا ہوں کہ پاکستان میں جو بھی ہمارے غیرمسلم شہریوں یا ان کی عبادت گاہوں کو نشانہ بناتا ہے اس کے ساتھ سختی سے نمٹا جائے گا۔
وزیراعظم کا کہنا تھا کہ ہماری اقلیتیں اس ملک کے مساوی شہری ہیں اور انہوں نے عالمی برادری پر زور دیا تھا کہ وہ بہت دیر سے قبل ہندوستان میں ہونے والی خونریزی کے خلاف کارروائی کرے۔
ماہرہ خان کے علاوہ ڈرامہ انڈسٹری کے معروف اداکار سمیع خان نے بھی ٹویٹ میں وزیراعظم کو مینشن کرتے ہوئے لکھا کہ ’ سب کا پاکستان اور سب کا لیڈر۔
Sab ka Pakistan aur sab ka leader @ImranKhanPTI https://t.co/jRpNYPqy5l
— sami khan (@samikhan421) February 26, 2020
