عالمی شہرت یافتہ اداکارہ ماہرہ خان کی نئی تصویر نے مداحوں کو تشویش میں مبتلا کردیا، جس میں ’واکنگ اسٹک‘ کی مدد سے کھڑی نظر آرہی ہیں۔
نینا کاشف جو کہ ماہرہ خان کی دوست ہیں انھوں نے اداکارہ اور سلیم کریم کی شادی کے اعزاز میں پارٹی منعقد کی تھی جس کی تصاویر سوشل میڈیا پر وائرل ہوگئیں۔ تاہم مداحوں کو حیرت تب ہوئی جب انھوں نے ماہرہ کو چھڑی کے سہارے کھڑا ہوا دیکھا۔
انسٹاگرام پر نینا کی جانب سے پوسٹ کی گئی تصاویر میں ماہرہ کے علاوہ اداکارہ عائشہ عمر اور مومل شیخ سمیت اُن کے دیگر قریبی دوستوں بھی نظر آرہے ہیں۔
تصاویر میں دیکھا جاسکتا ہے کہ معروف اداکارہ سفید اور سیاہ رنگ کے لباس میں ملبوس اپنے شوہر سلیم کریم اور دوستوں کے ہمراہ تقریب سے لطف اندوز ہورہی ہیں۔
انسٹاگرام پر پوسٹ کی گئی ایک تصویر دیکھ کر مداحوں پریشان ہوگئے کیونکہ مذکورہ تصویر میں ماہرہ خان ’واکنگ اسٹک‘ کا سہارا لیکر اپنی سہیلی نینا کاشف کے ساتھ کھڑی ہیں۔
View this post on Instagram
کئی صارفین اپنی تشویش کا اظہار کرتے ہوئے کمنٹس میں پوچھ رہے ہیں کہ ماہرہ کو آخر کیا ہوا ہے؟ اداکارہ کیوں ’چھڑی‘ کے سہارے کھڑی ہیں۔
انسٹا گرام پر شیئر کی گئی ان تصاویر پر مداحوں کے تبصرے کا ماہرہ خان یا نینا کاشف کی جانب سے کوئی جواب نہیں دیا گیا۔
