پاکستانی ڈرامہ انڈسٹری کی معروف اداکارہ مائرہ خان نے شوبز کے لوگوں کو دوغلہ قرار دے دیا۔
اے آر وائی نیوز کے پروگرام ’ہر لمحہ پرجوش‘ میں گزشتہ روز اداکارہ مائرہ خان بطور مہمان شریک ہوئیں اور میزبان وسیم بادامی کے معصومانہ سوالات کے جوابات دیے۔
میزبان کے پوچھا کہ شوبز کے اکثر لوگ ڈیش ہوتے ہیں جس پر مائرہ خان نے کہا کہ دوغلے ہوتے ہیں۔
مائرہ خان نے کہا کہ آج کل کے ڈراموں میں لڑائی جھگڑے، ساس بہو کی لڑائی اور فساد بہت دکھایا جارہا ہے۔
انہوں نے کہا کہ ملک کے سیاست دان سیاست کم اور ڈرامے بازی زیادہ کررہے ہیں اور ڈراموں میں سیاست زیادہ ہے۔
پسندیدہ ڈرامے کے سوال پر مائرہ خان نے کہا کہ اے آر وائی ڈیجیٹل پر نشر کیا جانے والا ڈرامہ ’چیخ‘ مجھے بہت پسند آیا تھا، واضح رہے کہ چیخ کی مرکزی کاسٹ میں صبا قمر، بلال عباس، اعجاز اسلم، ازیکا ڈینئل، اشنا شاہ ودیگر شامل تھے۔
مائرہ خان نے کہا کہ میں کہتی ہوں کہ بے شک انسان دکھنے میں اچھا نہ ہو لیکن جھوٹا نہیں ہونا چاہیے۔
انہوں نے شو میں شریک کامیڈین عدیل امجد سے متعلق کہا کہ اگر میرے ہاتھ میں ’تماشہ‘ شو کا رزلٹ ہوتا تو میں اپنے علاوہ ’عادی‘ کو ونر بناتی وہ بہت ہی معصوم ہیں۔
