میرانشاہ میں خواتین کی تعلیم کے لیے جنوری2023 میں ایک جدید اسکول کا قیام عمل میں لایا گیا تھا، جہاں خواتین کی تعلیم کے سلسلے میں 3 ماہ میں جدید ٹیکنالوجی سے آراستہ اسکول کو فعال بنایا گیا۔
اے آر وائی نیوز کے مطابق میرانشاہ میں خواتین کو تعلیم سے آراستہ کرنے کے لیے ایک اہم منصبہ ترتیب دیا گیا تھا جس کے تحت جنوری 2023 میں ایک جدید اسکول کا قیام عمل میں لایا گیا تھا، میرانشاہ میں خواتین کی تعلیم کے سلسلے میں 3 ماہ میں جدید ٹیکنالوجی سے آراستہ اسکول کو فعال بنایا گیا ہے۔
اسکول کا نام ٹوچی آرمی پبلک اسکول میرانشاہ ہے اور اس کا افتتاح 2 مئی 2023 کو کیا گیا تھا، میرانشاہ میں خواتین کی تعلیم کے فروغ کے حوالے سے یہ ادارہ اعلیٰ معیار کا ثبوت ہے۔
مذکورہ اسکول میں اعلیٰ تعلیم یافتہ اور تجربہ کاراساتذہ کے ساتھ ساتھ جدید کمپیوٹر لیب اور سائنس لیبز کا قیام یقینی بنایا گیا ہے۔
اس اسکول میں پلے گروپ سے لے کر میٹرک تک تعلیم فراہم کی جارہی ہے،2 ماہ کے کم ترین عرصے میں اسکول میں طالبات کی تعداد 400 سے تجاوز کر چکی ہے۔
امن و امان اور تعلیمی اداروں کے لیے انقلابی اقدامات میں پاک فوج کا تعاون اور بیش قیمت قربانیاں شامل ہیں۔
