کراچی: سندھ بھر میں ملیریا اور ڈینگی سمیت دیگر بیماریوں نے وبائی صورت اختیار کر لی، مختلف اضلاع میں روزانہ سیکڑوں افراد مختلف بیماریوں میں مبتلاہونے لگے۔
اے آر وائی نیوز کے مطابق صوبہ سندھ میں ملیریا اور ڈینگی سمیت دیگر بیماریوں نے وبائی صورت اختیار کر لی ہے، جس کے بعد مختلف اضلاع میں روزانہ سیکڑوں افراد مختلف بیماریوں میں مبتلا ہونے لگے ہیں۔
ڈی جی ہیلتھ سندھ نے لیاقت یونیورسٹی کو ٹیم تشکیل دینے کی ہدایت کردی، لیاقت یونیورسٹی جامشورو کے رجسٹرار نے 6 رکنی میڈیکل ٹیم تشکیل دیدی ہے۔
- Advertisement -
ڈی جی ہیلتھ سندھ کے مطابق گزشتہ 15 روز میں ضلع دادو کے گاؤں کاچھو سے درجنوں افرادجاں بحق ہوئے، ممبران متاثرہ گاؤں کا دورہ کرکے بیمار افراد کا معائنہ کرنے کے بعد تفصیلات حاصل کرینگے۔