The news is by your side.

Advertisement

ملائیشیا میں عام انتخابات، اپوزیشن جماعتوں نے میدان مار لیا

کوالالمپور: ملائیشیا کے عام  انتخابات میں اپوزیشن جماعتوں کی نمائندگی کرنے والے سابق وزیر اعظم مہاتیر محمد اور ان کی اتحادی جماعتوں نے ایک سو پندرہ نشستیں جیت کر میدان مارلیا۔

تفصیلات کے مطابق آج ملائیشیا میں عام انتخابات ہوئے جہاں ملائیشیا کے موجودہ وزیر اعظم نجیب رزاق کے اتحادی جماعتوں کو ملک میں بڑھتی ہوئی مہنگائی اور ملٹی بلین ڈالر اسکینڈل کی وجہ سے عوامی دباؤ کا سامنا رہا اور سابق وزیر اعظم مہاتیر اور ان کی  اتحادی جماعتوں نے فتح اپنے نام کر لی۔

الیکشن کمیشن ملائیشیا کے مطابق مہاتیر محمد اور ان کے اتحادی ایک سو پندرہ نشستیں لے کر پہلے نمبر پر ہیں جبکہ حکمراں جماعت اناسی نشستیں لے کر دوسرے نمبر پر رہی، علاوہ ازیں جیت پر مہاتیر محمد اور ان کے اتحادی جماعت ایک دوسرے کو مبارک باد دے رہے ہیں۔

ملائیشیا بھی گوادر پورٹ استعمال کرنے کا خواہشمند

الیکشن کمیشن کے نتائج آنے کے بعد میڈیا سے گفتگو کرتے ہوئے مہاتیر محمد کا کہنا تھا کہ وہ انتقامی سیاست کے قائل نہیں اور ملک میں قانون کی بحالی چاہتے ہیں، اور یہی ہماری اولین ترجیح ہے، اور خطے کی بقا وسلامتی کے لیے اقدامات کیے جائیں گے، علاوہ ازیں ملائیشیا میں ہونے والے عام انتخابات میں 14اعشاریہ9 ملین رجسٹرڈ ووٹرز نے  اپنا حق رائے دہی استعمال کیا۔

خیال رہے کہ ملائیشیا میں حکومت سازی کے لیے دوسو بائیس نشستوں کے ایوان میں سے ایک سو بارہ نشستیں حاصل کرنا ضروری ہے، یاد رہے کہ 2013 کے الیکشن میں اگرچہ اپوزیشن پارٹیوں نے بہتر کارکردگی دکھائی تھی تاہم وہ حکومت سازی کے لیے مطلوب اکثریت حاصل کرنے میں ناکام رہی تھی۔

ایس ای سی پی اسلامک فنانشل سروسز بورڈ ملائیشیا کا ممبر بن گیا

واضح رہے کہ ملائیشیا میں طویل ترین عرصے تک وزیر اعظم رہنے والے مہاتیر محمد نے سن دو ہزار سولہ میں حکمران اتحادی جماعت ’بی این‘ سے علیحدگی اختیار کر لی تھی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں