کراچی: ملیر جیل سے جب 216 قیدی فرار ہوئے تھے تو ان میں چند شر پسند قیدی ایسے بھی تھے جنھوں نے سیکیورٹی اہلکاروں سے ایس ایم جی ہتھیار چھین کر اندھا دھند فائرنگ کی تھی اور فرار ہو گئے تھے۔
تفتیشی حکام نے باقاعدہ طور پر تحقیقات کا اغاز کر دیا ہے کہ فرار ہونے والے 105 قیدی تو واپس ملیر جیل پہنچا دیے گئے ہیں، تاہم سیکیورٹی سے چھینی گئی 2 ایس ایم جی تاحال مسنگ ہیں۔
یہ بھی پتا نہیں چل سکا ہے کہ کون سے قیدیوں نے اسلحہ چھینا تھا اور وہ کس جانب فرار ہوئے تھے، کئی قیدیوں کو ان کے اہل خانہ نے خود دوبارہ جیل پہنچایا، اس سلسلے میں تفتیشی ٹیم نے ملیر جیل سے شواہد جمع کرنا شروع کر دیے ہیں۔
جیل حکام اور عملے کے علاوہ واپس آنے والے قیدیوں سمیت جیل میں پہلے سے موجود قیدیوں سے بھی جیل بریک اور اسلحہ چھیننے سے متعلق پوچھ گچھ کی جا رہی ہے۔
ملیر جیل سے فرار ہونے والے مزید 3 قیدی گرفتار
تفتیشی ٹیم بیرکس، جیل دفاتر اور دیگر علاقوں میں پہنچی اور کئی شواہد اکٹھے کیے، تصاویر بنائیں، پولیس حکام کے مطابق جیل کے اندر سی سی ٹی وی کیمرے نہ ہونے کی وجہ سے تفتیش میں مشکلات کا سامنا ہے۔
