کراچی : ٹک ٹاک ویڈیو میں بیوی کے ساتھ مار پیٹ کرنے والے ملزم کو گرفتار کرلیا گیا تاہم بیوی نے شوہر کو معاف کردیا۔
تفصیلات کے مطابق کراچی میں پولیس نے سائٹ سپر ہائی وے پر کارروائی کرتے ہوئے کہا ٹک ٹاک پر بیوی سے مار پیٹ کرنے والے کو گرفتار کرلیا۔
سوشل میڈیا پر وائرل ہونے والی ویڈیو میں شوہر کی بیوی سے مارپیٹ دکھائی گئی تھی ، ویڈیو وائرل ہونے پر ملزم کو اسکیم تینتیس سے گرفتار کیا گیا۔
پولیس کے مطابق ملزم گوپال نے بیوی پر شک کے بنا پر تشدد کیا تھا تاہم بیوی نے شوہرکومعاف کردیا۔
یاد رہے شہر قائد میں دل دہلا دینے واقعہ رونما ہوا تھا، جہاں غلط کام نہ کرنے پر سفاک شوہر نے بیوی کو دیگ میں ڈال کر جلا ڈالا تھا۔
پولیس کی ابتدائی رپورٹ کے مطابق خاتون کی شناخت نرگس کے نام سے ہوئی، جسے شدید تشدد کے بعد قتل کیا گیا، کراچی کی تاریخ میں یہ پہلا واقعہ ہے جب بیوی کو بہیمانہ تشدد کے بعد قتل کرنے کا یہ بھونڈا طریقہ اپنایا گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں