دبئی : کروڑوں درہم مالیت کا ہیرا برآمد، ملزم کو سزا diamond in Dubai
The news is by your side.

Advertisement

دبئی : کروڑوں درہم مالیت کا ہیرا برآمد، ملزم کو سزا

ابو ظہبی : اماراتی ریاست دبئی کی عدالت نے 7 کروڑ 30 لاکھ درہم مالیت کا ہیرا چوری کرنے والے سری لنکن سیکورٹی افسر کو ٹرائل پر بھیج دیا۔

تفصیلات کے مطابق متحدہ عرب امارات کی ریاست دبئی کی عدالت نے کروڑوں درہم مالیت کے ہیرے کی چوری کیس کی سماعت کرتے ہوئے ایشیائی شہری کو سزا سناتے ہوئے ٹرائل پر بھیج دیا۔

اماراتی خبر رساں ادارے کا کہنا تھا کہ مجرم نے دبئی میں امریکی جیولری شاپ میں 9.33 کیرٹ ہیرے کی چوری کرنے کےلیے 3 سیکیورٹی دروازوں کو عبور کیا تھا۔

دبئی پولیس اور چوری کی تحقیقات کرنے والے عملے کا کہنا ہے کہ ابتدائی تفتیش اور جیولری شاپ میں نصب سی سی ٹی وی کیمروں میں ریکارڈ ہونے والی ویڈیو سے پتہ چلا کہ چور کوئی اور نہیں بلکہ جیولری شاپ کا سیکیورٹی افسر ہے جس کا تعلق سری لنکا سے ہے۔

اماراتی خبر رساں ادارے کا کہنا تھا کہ تفتیشی رپورٹ سے پتہ چلتا ہے کہ 37 سالہ سری لنکن سیکیورٹی افسر نے ہیرا چوری کرنے کے بعد دبئی میں مقیم اپنے ایک رشتہ دار کو دیا تھا جس نے ہیرا کارگو کمپنی کے ذریعے جوتے کے ڈبے میں چھپا کر سری لنکا اسمگل کردیا تھا۔

اماراتی میڈیا کا کہنا تھا کہ دبئی پولیس نے کارروائی کرتے ہوئے 37 سالہ سری لنکن چور کو اس کے 38 سالہ ساتھی کے ہمراہ گرفتار کرکے گذشتہ روز عدالت میں پیش کیا گیا تھا جہاں اس نے اپنے جرم کا اعتراف کیا۔

دبئی کی عدالت نے سیکیورٹی افسر کے اعتراف جرم کرنے کے بعد 7 کروڑ 30 لاکھ درہم مالیت کا ہیرا چوری کرنے پر سزا سناتے ہوئے ٹرائل پر جیل منتقل کرنے کا حکم دے دیا۔

Comments

comments

یہ بھی پڑھیں