بھارت میں شہری کورونا ویکسین لگوانے سے بچنے کے لیے درخت پر چڑھ گیا جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق ریاست تامل ناڈو میں ایک 40 سالہ شخص کورونا وائرس سے بچاؤ کی ویکسین لگوانے سے بچنے کے لیے درخت پر چڑھ گیا۔
وائرل ویڈیو میں دیکھا جاسکتا ہے کہ موتول درخت پر بیٹھا ہوا اور محکمہ صحت کا عملہ اسے نیچے اترنے کا کہہ رہا ہے لیکن وہ ٹس سے مس نہیں ہوا۔
بھارتی شہری اپنی ضد پر اڑا رہا ار محکمہ صحت کے عملے کو مایوس ہی واپس لوٹنا پڑا۔
Vaccine hesitancy at its peak!
"I will not take the vaccine, you can’t get me”,says a 40 year old man after climbing a tree @ Puducherry when the health dept. workers insisted him to take the #COVID19 jab.#vaccination#CovidIndia pic.twitter.com/1a8B5MdZb1
— Sanjeevee sadagopan (@sanjusadagopan) December 28, 2021
بھارتی میڈیا کے مطابق موتوول اس سے پہلے بھی ویکسین لگوانے سے بچنے کے لیے مختلف حربے آزما کر بچتا رہا ہے اس کو کسی نے ویکسین سے متعلق ڈرایا تھا اس کے بعد سے یہ ویکسین لگوانے سے بچنے کی ہر ممکن کوشش کررہا ہے۔
واضح رہے کہ بھارت میں اس سے قبل بھی ایک معمر خاتون کی ویڈیو وائرل ہوئی تھی جو ویکسین لگوانے سے بچنے کے لیے کمرے میں ڈرم کے پیچھے چھپ گئی تھیں۔
Funny , yet tragic video from UP’s Etawah, underscoring the immense covid vaccine hesitancy in rural India . This elderly lady , hid behind a drum in her home to escape a vaccination awareness campaign led by local MLA . Health workers did convince her to come out …. pic.twitter.com/EfzxCqhFqJ
— Alok Pandey (@alok_pandey) June 3, 2021
محکمہ صحت ٹیم کی ایک خاتون آگے بڑھی اور معمر خاتون سے کہا کہ ویکسین لگانے نہیں آئے ہیں بس آپ سے بات کرنی ہے جس کے بعد وہ ڈرم کے پیچھے سے نکل کر باہر آگئیں۔
