کراچی : سرجانی میں ڈاکووں نے ڈکیتی مزاحمت پر فائرنگ کر کے بیٹے کو قتل اور باپ کو زخمی کر دیا، جاں بحق نوجوان فیض محمد فرسٹ ایئر کا طالبعلم تھا۔
تفصیلات کے مطابق کراچی میں ڈاکو بے لگام ہے ، ڈاکوؤں نے سرجانی میں فائرنگ کر کے بیٹے کو قتل اور باپ کو زخمی کر دیا۔
پولیس حکام نے بتایا کہ سرجانی ٹاؤن پاور ہاؤس کے قریب ڈاکوؤں نے فائرنگ ڈکیتی کی واردات کے دوران کی، فائرنگ سے زخمی ہونے والا نوجوان عباسی شہیداسپتال میں دوران علاج چل بسا، تاہم ڈاکو واردات کے بعد فرار ہو گئے۔
حکام نے کہا کہ مقتول نوجوان کی شناخت فیض محمد کے نام سےہوئی ، جس کی عمر20 برس تھی جبکہ زخمی ہونے والے والد کی شناخت فتح محمد کے نام سے ہوئی ہے۔
پولیس کا کہنا تھا کہ مقتول کے سر پر 3 گولیاں لگیں، لاش جناح اسپتال سے سرد خانے منتقل کردی گئی ہے۔
اہلخانہ نے بتایا کہ فیض محمدفرسٹ ایئر کا طالبعلم تھا اور والد کیساتھ موٹر سائیکل پرجارہاتھا، ملزمان نےلوٹ مارکے دوران باپ بیٹے کو گولی مار کر زخمی کیا۔
باپ بیٹے کو عباسی شہیدمنتقل کیا گیا تاہم فیض جناح اسپتال منتقلی کےدوران جاں بحق ہوا، اہلخانہ نے پوسٹ مارٹم کے بغیر لاش سرد خانے منتقل کردی ہے۔
