The news is by your side.

Advertisement

اس شخص نے اونچے پہاڑ سے بادلوں پر چھلانگ کیسے لگائی؟ حقیقت جان کر آپ حیران رہ جائیں گے

بعض اوقات نظر کا دھوکا انسان کے دماغ کو بھک سے اڑا دیتا ہے، نظر آنے والی چیز حقیقت میں ایسی ہوتی ہے جسے جان کر آدمی ششدر رہ جاتا ہے۔

اس وائرل ویڈیو میں ایک شخص آسمان جیسی اونچائی سے بادلوں پر الٹی قلا بازی سے چھلانگ لگا رہا ہے، جب انٹرنیٹ پر یہ ویڈیو اپ لوڈ ہوئی تو لوگ اس شخص کی ہمت کو دیکھ کر حیران رہ گئے تھے۔

لیکن جلد ہی پتا چل گیا کہ اس ویڈیو میں جو کچھ نظر آ رہا ہے وہ نظر کا دھوکا ہے، معلوم ہوا کہ یہ ویڈیو جرمنی کی مشہور جھیل الپسی پر بنائی گئی ہے، ویڈیو میں نظر آنے والا شخص واقعی قلابازی کھا کر چھلانگ لگا رہا ہے لیکن پھر بھی یہ منظر اس طرح ویڈیو میں قید ہوا ہے کہ انسانی دماغ بھی حقیقت تک نہیں پہنچ پاتا۔

بلاشبہ اس طرح کی ویڈیوز اور تصاویر کے حوالے سے انٹرنیٹ ایک پنڈورا باکس ہے، جہاں ایسے مواد کی بالکل کمی نہیں، اور دل چسپ بات یہ ہے کہ اس پر ایسی ہی چیزیں تیزی سے وائرل بھی ہوتی رہتی ہیں، اور صرف یہی نہیں بلکہ ان پر مباحث بھی شروع ہو جاتی ہیں۔

یہ ویڈیو ریڈٹ پر شیئر کی گئی تھی، اس میں دیکھا گیا کہ ایک شخص پہاڑ کی چوٹی سے ایک بڑی چھلانگ لگا رہا ہے، چوٹی سے نیچے بادلوں کو بھی دیکھا جا سکتا ہے جس سے یہ تاثر ملتا ہے کہ مذکورہ شخص آسمان میں چھلانگ لگا رہا ہے۔

سیاہ لباس میں ملبوس شخص کی چھلانگ کی یہ ویڈیو جب شیئر ہوئی تو لوگوں نے سمجھا شاید یہ ریورس (معکوس) ویڈیو ہو، اس لیے ایسا لگ رہا ہو، لیکن آخر میں غور کرنے پر ثابت ہوا کہ ویڈیو معکوس نہیں، بلکہ مذکورہ شخص پانی میں چھلانگ لگا رہا ہے۔

انٹرنیٹ صارفین کو اس ویڈیو نے بہت کنفیوژ کیا، کچھ لوگوں نے تو اسے ویڈیو گیم سمجھا، تاہم اب یہ معلوم ہو چکا ہے کہ یہ جرمنی کے علاقے آسٹلگاؤ میں واقع جھیل الپسی پر بنائی گئی ہے، جس کا پانی بالکل ٹھہرا ہوا اور نہایت شفاف ہے، جس کی وجہ سے اس میں بادلوں کا عکس نظر آ رہا ہے، جس سے یہ تاثر پیدا ہوا کہ مذکورہ شخص بنے ادلوں میں چھلانگ لگائی، حالاں کہ وہ جھیل میں چھلانگ لگا رہا ہے۔

Comments

یہ بھی پڑھیں