نیروبی: کینیا میں شیر نے نیشنل پارک سے باہرنکل کرایک شخص کو زخمی کردیا جس کے بعد وائلڈ لائف رینجرز نے مجبوراً شیرکو گولی مارکرہلاک کردیا ۔
تفصیلات کے مطابق رواں سال چوتھی بارشیر نیروبی نیشنل پارک کی حدود سے باہرنکل آیا تھا اوردو ہفتوں میں کسی انسان کو زخمی کرنے کا یہ دوسرا واقعہ ہے۔
رواں ماہ 63 سالہ شخص کو نزدیکی ہائی وے پر شیر نے پنجا مارکرزخمی کردیا تھا اور تازہ واقعے میں بھی ایک شخص زخمی ہوا جس کے بعد کینیا وائلڈ لائف رینجرز نے شیر کو گولی مارکر قتل کردیا۔
واضح رہے کہ وائلڈ لائف پارک میں مکمل طور پر سیکیورٹی باڑھ نہیں لگائی گئی ہے جس کے سبب غذا کی تلاش میں جانور سفر کرتے ہوئے پارک سے باہر آجاتے ہیں۔
فروری کے وسط میں دو شیر جنگل سے باہر نکل آئے تھے اور شہر کے گنجان آباد علاقے ’کائی بیرا‘ میں چہل قدمی کرکے واپس لوٹ گئے تھے۔
Comments
- Advertisement -
