راجستھان کے ہنومان گڑھ میں گھریلو جھگڑے پر ایک شخص نے مبینہ طور پر اپنی بہو پر تیزاب پھینک دیا۔ جس سے حشمت بانو 30 فیصد جھلس گئی، متاثرہ خاتون کو سرکاری اسپتال منتقل کیا گیا جہاں وہ زیر علاج ہے۔
غیر ملکی ذرائع ابلاغ کے مطابق حشمت بانو نے اپنی شکایت میں کہا کہ ان کے سسر رمضان خان اور ان کے بہنوئی کے گھر والے بھی ان کے ساتھ رہتے ہیں، متاثرہ خاتون نے بتایا کہ سسر رمضان اکثر ان سے گالی گلوچ اور جھگڑا کرتا تھا۔
متاثرہ خاتون کا کہنا تھا کہ 8 اکتوبر کو جب ان کا شوہر ہارون اور بہنوئی کام کے لیے گھر سے باہر گئے تو وہ اور اس کی بہن اپنے بچوں کے ساتھ گھر پر موجود تھیں۔
اسی دوران سسر رمضان اچانک گھر میں آیا اور تیزاب پھینک دیا، متاثرہ خاتون کا کہنا تھا کہ تیزاب کے چند قطرے بانو کے بچوں اور بھتیجے پر بھی گرے جس کے باعث بچے بھی بلبلا اُٹھے۔
بھارت کی معروف یوٹیوبر کی گھر سے لاش بر آمد
متاثرہ خاتون کے مطابق ہم نے فوری طور پر الارم بیل بجائی، لیکن رمضان نے مزید تیزاب پھینکنے کی دھمکی دی۔ جس پرہم نے دروازے کو تالا لگا دیا اور اہل محلہ کو خبر دار کرنے کے لئے چھت پر جا کر الارم بجا دیا، جس کے بعد پڑوسی مدد کے لئے پہنچ گئے۔
پولیس ذرائع کا کہنا ہے کہ واقعہ کا مقدمہ درج کرکے تفتیش کا آغاز کردیا گیا ہے۔
