بھارت میں ایک شخص نے غریب سبزی والے کی بیٹی کو گولی مار دی اور فرار ہوگیا، واقعے کی ویڈیو نے لوگوں کے دل دہلا دیے۔
یہ واقعہ بھارتی ریاست بہار میں پیش آیا، سی سی ٹی وی فوٹیج میں دیکھا جاسکتا ہے کہ ایک شخص ماسک لگائے سڑک پر ٹہل رہا ہے۔
تھوڑی دیر بعد ایک لڑکی اس کے قریب سے گزرتی ہے، مذکورہ شخص اس کے پیچھے جاتا ہے اور پھر اچانک فائر کردیتا ہے، لڑکی فوراً زمین پر گر جاتی ہے جس کے بعد حملہ آور فرار ہوجاتا ہے۔
Bihar| A vegetable vendor’s daughter shot yesterday in Indrapuri locality of Sipara area of Beur PS in Patna. Injured girl who was shot in the neck is undergoing treatment in a private hospital. Matter is being said to be a love affair: Patna Police
(Visuals: CCTV footage) pic.twitter.com/kHbddcU2L1
— ANI (@ANI) August 18, 2022
ویڈیو میں سڑک پر چہل پہل دکھائی دے رہی ہے اور مختلف گاڑیاں اور راہ گیر بھی وہاں سے گزر رہے ہیں۔
پولیس کا کہنا ہے کہ لڑکی اس وقت آئی سی یو میں ہے اور اس کی حالت تشویش ناک ہے، گولی اس کی گردن میں لگی ہے۔
پولیس کے مطابق دونوں ایک دوسرے کو جانتے تھے اور ممکنہ طور پر دونوں کے درمیان دوستی یا محبت کا تعلق بھی ہے۔
سوشل میڈیا پر واقعے کی ویڈیو وائرل ہونے کے بعد لوگوں نے غم و غصے کا اظہار کیا اور امن و امان کی صورتحال برقرار نہ رکھنے پر ریاستی حکومت کو برا بھلا کہا۔
