The news is by your side.

Advertisement

رواں سیزن ساڑھے سات کروڑ ڈالرکا آم ایکسپورٹ کیا جائے گا

کراچی : پاکستان سےرواں سیزن ساڑھے سات کروڑ ڈالر کا ایک لاکھ ٹن آم ایکسپورٹ کیا جائے گا۔

تفصیلات کے مطابق پاکستان فروٹ ایکسپورٹرز ایسوسی ایشن نے رواں سیزن میں آم کی ایکسپورٹ کا ایک لاکھ ٹن کا ہدف مقرر کیا ہے جس سے 75ملین ڈالر کا زرمبادلہ حاصل ہوگا۔

رواں سیزن آم کی ایکسپورٹ 20مئی سے شروع ہوگی، پاکستان سے آم کی ایکسپورٹ بڑھانے کے لیے چین، ایران، روس، وسط ایشیائی ریاستوں اور بیلاروس کی نئی منڈیوں پر توجہ دی جائیگی ۔تاہم وی ایچ ٹی پلانٹ کی عدم تنصیب کے سبب مسلسل تیسرے سال بھی جاپان جیسی ہائی ویلیو مارکیٹ کو آم برآمد نہیں ہوسکے گا۔

رواں سیزن آم کی پیداوار 16لاکھ ٹن تک رہنے کی توقع ہے۔ پاکستان فروٹ ایکسپورٹرز ایسوسی ایشن کے مطابق ایران پر اقتصادی پابندیوں کے خاتمے کے بعد ایران کو پاکستانی آم کی برآمد بحال ہوجائے گی۔

چین کی وسیع منڈی میں پاکستانی آم کے لیے بھرپور مواقع موجود ہیں۔ چین کے قرنطینہ ماہرین کا وفد پاکستان کا دورہ کرے گا۔

فی الوقت پاکستان کی دو ایکسپورٹ کمپنیوں کو چینی قرنطینہ ڈپارٹمنٹ کی جانب سے ایکسپورٹ کی اجازت حاصل ہے۔

 

Comments

comments

یہ بھی پڑھیں