اسلام آباد : مسلم لیگ ن کی رہنما مریم اورنگزیب نے واضح کیا کہ الیکشن 8فروری کوہی ہوگا،دوسری جماعتیں چاہیں روئیں ،پیٹیں یاچیخیں۔
تفصیلات کے مطابق مسلم لیگ ن کی رہنما مریم اورنگزیب نے عدالت میں پیشی کے موقع پر میڈیا سے گفتگو میں الیکشن ملتوی کرنے کی قرارداد کے حوالے سے کہا کہ پی ٹی آئی والے لاہورہائیکورٹ گئے تاکہ الیکشن رک جائیں، گزشتہ روز پی ٹی آئی نےسینیٹ میں قرارداد کی حمایت کی۔
مریم اورنگزیب نے تنقید کرتے ہوئے کہا کہ پی ٹی آئی والے اندرچپ رہتے ہیں اور باہرآکرمظلومیت کاڈھول بجاتے ہیں، ن لیگ ایسے لوگوں کو الیکشن سے بھاگنے نہیں دے گی،اب پاکستان کے عوام کو الیکشن چاہئیں۔
ن لیگی رہنما کا کہنا تھا کہ عوام وہ چہرےجانتےہیں جنہوں نے 9 مئی کوشہدا کے مجسموں کو ٹھوکریں ماریں، جی ایچ کیو پر حملہ کیا گیا،ریاست پر یہ چڑھ دوڑے، نو مئی والے چہروں پرآرٹیکل چھ لگنا چاہیے۔
سابق وزیر نے کہا کہ اب ملک نو مئی والوں کے نہیں، اٹھائیس مئی والوں کے حوالے ہونے جارہا ہے، نومئی والے نے تین روز پہلے کہا چھوڑوں گا نہیں، یہ بات تم دوہزار گیارہ سے کہہ رہے ہو۔
بانی پی ٹی آئی کو کڑی تنقید کا نشانہ بناتے ہوئے انھوں نے کہا کہ نو مئی کوآپ حکم دوکہ پورے ملک کو جلادو، پھرکہو کارکنوں نے کیا تھا، جیل میں بیٹھ کر دھمکیاں دینا اور اداروں کے خلاف باتیں کرتے ہو۔
آرٹیکل کی اشاعت کے حوالے سےمریم اورنگزیب کا کہنا تھا کہ آرٹیکل لکھا ہے کہ میری پارٹی کولیول پلئینگ فیلڈنہیں مل رہی، کیا ملک میں 9 مئی کا حکم نوازشریف نے دیا تھا؟
ن لیگی ترجمان نے مزید کہا کہ کاغذات مسترد ہوئے تو سپریم کورٹ چلے گئے، سپریم کورٹ نے ثبوت مانگے، یہ تو سپریم کورٹ میں بھی جاکر جھوٹ بولتے ہیں، معیشت تم نے تباہ کی، پھر لکھتے ہیں مہنگائی ہوگئی ہے، یہ مہنگائی تم نے کی ہے، تیل، سبزیاں، بجلی، گیس سب مہنگے کر دیے، ملک کی تم نے ترقی تک روک دی۔
ان کا کہنا تھا کہ کہتے ہیں ملک کو ڈیفالٹ کردیا، شہبازشریف نے ملک کو ڈیفالٹ ہونے سے بچایا، تم تو ملک کو ڈیفالٹ کرکے گئے تھے۔
مریم اورنگزیب نے کہا کہ ن لیگ کو 8 فروری کوالیکشن کافیصلہ چاہیے، مسلم لیگ ن کی الیکشن کی تیاری مکمل ہے، الیکشن 8 فروری کوہی ہوگا، دوسری جماعتیں چاہیں روئیں ،پیٹیں یا چیخیں ، 8 فروری کو فیصلہ کرنا ہے کہ ووٹ کس کو دینا ہے، عوام جانتے ہیں ووٹ ایک بار پھر نواز شریف کا ہے، ووٹ آپ نے اس کو دینا ہے جوآپ کے مستقبل کو سنوار سکے۔
انھوں نے بتایا کہ اگلے ہفتے سےہماری الیکشن مہم بھرپور طریقے سے ہوگی، ہم شورنہیں مچارہے ہم لائحہ عمل لارہےہیں، الیکشن کے لیے ہماری تیاری پوری ہے، ہماراپارٹی ٹکٹ دینے کا سلسلہ شروع ہو چکا ہے، ن لیگ واحد جماعت ہے 22 دن پر2500 سے زائدامیدواروں کےانٹرویو کیے۔
ن لیگی ترجمان کا کہنا تھا کہ ان کی حرکتیں ان کی امپائر لیول پلیئنگ فیلڈ کا ڈرامہ ہیں، ملکی تاریخ میں لیول پلیئنگ فیلڈ نواز شریف کو 2018 میں نہیں ملی، پاکستان مسلم لیگ ن کی ساری قیادت کو جیل میں بھیجا تھا، محمد نواز شریف کو بیٹی کے ساتھ جیل میں بھیجا تھا۔
مریم اورنگزیب نے مزید بتایا کہ الیکشن کے لیے ہماری تیاری پوری ہے،ہماراپارٹی ٹکٹ دینے کا سلسلہ شروع ہو چکا ہے، ن لیگ واحدجماعت ہے 22 دن پر2500 سے زائد امیدواروں کےانٹرویو کیے۔
