لاہور : پولیس نے سانحہ 9 مئی کے اشتہاری ملزمان کی جائیدادوں کی تفصیلات حاصل کرلیں ، عدالتی احکامات کے بعد ملزمان کی جائیدادوں کو سیل کر دیا جائے گا۔
تفصیلات کے مطابق سانحہ 9 مئی کے اشتہاری ملزمان کی جائیدادوں کی تفصیلات پولیس کو مل گئیں ، اشتہاری ملزمان کی جائیدادوں کو سیل کروانے کیلئے جےآئی ٹی عدالت سے اجازت طلب کرے گی۔
جےآئی ٹی کی جانب سے 22 اشتہاری ملزمان کی جائیدادوں کی تفصیلات اداروں سے مانگی گئی تھیں ، جس کے بعد ایل ڈی اے، ایف بی آرسمیت دیگر اداروں نے جوائنٹ انویسٹی گیشن ٹیم کو تفصیلات فراہم کیں۔
اشتہاری ملزمان میاں اسلم اقبال، حماد اظہر، زبیر نیازی، مراد سعید،علی امین گنڈہ پور ،امتیازشیخ سمیت 22 ملزمان کی تفصیلات جےآئی ٹی کو فراہم کی گئیں۔
جے آئی ٹی حکام کا کہنا تھا کہ اشتہاری ملزمان کی جائیدادوں کو عدالتی احکامات کے بعد سیل کر دیا جائے گا۔