site
stats
حیرت انگیز

ملئے امریکی صدر ڈونلڈ ٹرمپ کے ہم شکل پرندے سے

چین میں پائے جانے والے ایک نادر پرندے نے امریکہ میں دھوم مچادی ہے ‘ جس کا سبب اس پرندے کا نو منتخب امریکی صدر کی شکل سے مشابہت رکھنا ہے۔

نو منتخب امریکی صدر ڈونلڈ جے ٹرمپ ریپبلکن پارٹی کی جانب سے صدر کے عہدے کے لیے امیدوار تھے اور اپنے مسلم‘ خواتین اور تارکینِ وطن سے متعلق شدت پسند رویے کے سبب امریکی تاریخ کے متنازعہ ترین امیدوار قرار پائے۔

چین میں پائے جانے والے اس لمبی دم والے پرندے کی شکل امریکی صدر ڈونلڈ ٹرمپ سے بے حد مشابہہ ہے ‘ اسکے سر کے بال بالکل انہی کی مانند سنہرے ہیں اور دیکھنے میں ایسا محسوس ہوتا ہے کہ جیسے پرندے نے بالوں میں کنگھا بھی انہی کے انداز میں کر رکھا ہے۔

سوشل میڈیا پر وائر ل ہونے والی فوٹیج میں دیکھا جاسکتا ہے کہ یہ منفرد پرندہ دنیا میں کہیں کسی پنجرے میں قید ہے او روہ بھی یہ جانے بغیر کے وہ امریکی صدر کا ہمشکل ہے۔

یاد رہے کہ ڈونلڈ ٹرمپ نے جن امور پر عوام سے ووٹ لیا ہے ان میں امریکہ اور میکسیکو کے بارڈر پر دیوار کی تعمیر، تارکینِ وطن کی شناخت اور مزید افرادکو آنے سے روکنا اور مسلمانوں کو سیکیورٹی خطرہ قرار دینا ہے ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top