وزیر خارجہ بلاول بھٹو اور ڈپٹی سیکریٹری آف اسٹیٹ وینڈی شرمین کی ملاقات ہوئی جس میں باہمی اور عالمی امور پر تبادلہ خیال کیا گیا۔
اے آر وائی نیوز کے مطابق وزیر خارجہ بلاول بھٹو زرداری جو ان دنوں امریکا کے دورے پر ہیں۔ واشنگٹن میں بلاول بھٹو اور امریکی ڈپٹی سیکریٹری آف اسٹیٹ وینڈی سے ملاقات ہوئی ہے جس میں دونوں رہنماؤں نے پاکستان اور امریکا کے درمیان انسداد دہشتگردی کے تعاون کو مضبوط کرنے کا عہد کیا۔
اس ملاقات میں پاکستان میں تباہ کن سیلاب کے بعد متاثرہ علاقوں میں بحالی کی کوششوں کے پاکستان کی مسلسل کوششوں پر گفتگو ہوئی۔ اس کے علاوہ اقتصادی، توانائی اور ماحولیاتی تعاون پر بھی تبادلہ خیال کیا گیا۔
وینڈی شرمین نے حالیہ دہشتگرد حملوں میں پاکستانی جانوں کے ضیاع پر وزیر خارجہ سے اظہار تعزیت بھی کیا۔
اس موقع پر ڈپٹی سیکریٹری آف اسٹیٹ وینڈی شرمین نے یوکرین کے لیے امریکا کی بھرپور حمایت کو بھی اجاگر کیا۔
