کراچی: تمغہ امتیاز حاصل کرنے والی معروف پاکستانی اداکارہ مہوش حیات بھی برطانوی اداکار رض احمد کی مسلمانوں کے لیے کوششوں کی معترف ہوگئیں۔
پاکستانی شوبز انڈسٹری کی نامور اداکارہ مہوش حیات نے انسٹاگرام پر ایک ویڈیو شیئر کرتے ہوئے لکھا کہ ’مسلمانوں کے لیے غلط بیانی اور اس سے اسلاموفوبیا کو کس طرح اکسایا جارہا ہے یہ معاملہ میرے لیے ایک اذیت ناک امر ہے۔‘
مہوش حیات نے لکھا کہ ’رض احمد نے مثبت اقدام کیا جسے دیکھ کر خوشی ہوئی، حقیقی طور پر یہ ایک بہترین لمحہ ہے۔‘
The issue of misrepresentation of Muslims and how it is fuelling Islamophobia is a poignant one for me. So glad to see @rizwanahmed taking positive action. A real watershed moment. Cont. 1/2 pic.twitter.com/1QdW74dbjJ
— Mehwish Hayat TI (@MehwishHayat) June 14, 2021
اداکارہ نے لکھا کہ ’اب ہماری انڈسٹری کو بھی اس معاملے پر کام کرنے کی ضرورت ہے، ہالی ووڈ اور بالی ووڈ میں بھی ہمیں جیسے دکھایا جاتا ہے اس کے خلاف بولنے کی ضرورت ہے۔‘
انہوں نے لکھا کہ ’اب ہمیں پاکستان کے لیے نہیں بلکہ پاکستان کے بارے میں فلموں کی ضرورت ہے، میں نے اوسلو میں 2019 میں اس چیز کی وکالت کی تھی۔
2/2 .. Time for our industry to step up and also counter the way that we are shown in Hollywood and Bollywood. We need films ‘about’ and not just ‘for’ Pakistan. Something I advocated in Oslo in 2019. pic.twitter.com/kU3bQWQICK
— Mehwish Hayat TI (@MehwishHayat) June 14, 2021
واضح رہے کہ برطانوی اداکار رض احمد نے فلموں میں مسلمانوں کے دکھائے جانے والے انداز میں بہتری لانے کی کوشش کا آغاز کردیا۔
اداکار رض احمد کا کہنا تھا کہ زیادہ سے زیادہ مسلم اداکاروں، مصنفوں اور پروڈیوسرز کو فلم اور ٹی وی کے کاروبار میں شامل کرنے کے لیے فنڈ کی مدد سے ہمیں مسلمانوں کی بڑے پردے پر نمائندگی کے انداز کو بدلنا ہوگا۔
I'm fed up of seeing Muslim characters on screen either negative or non existent. The industry must change. Our new study proves what many of us always felt about #MuslimsInFilm. The cost is measured in hate & lost lives. Full speech here: https://t.co/bsfpQw4Wfe pic.twitter.com/2itt6IaESB
— Riz Ahmed (@rizwanahmed) June 10, 2021
