The news is by your side.

Advertisement

آسٹریلیا: گرمی نے سڑک پگھلا دی، تارکول ٹائروں سے چپک گئی

کوئینز لینڈ: آسٹریلوی ریاست کوئینز لینڈ کے ایک علاقے میں گرمی کی وجہ سے سڑک کی تارکول گاڑیوں کے ٹائروں سے چپکنے لگی، انتظامیہ نے فوری طور پر سڑک بند کردی۔

تفصیلات کے مطابق آسٹریلوی موسم میں تیزی کے ساتھ آنے والی تبدیلیوں کے اثرات سامنے آنا شروع ہوگئے ہیں، شدید سردی کے بعد شدید گرمی نے سڑک پگھلا دی ہے۔

مقامی انتظامیہ کی طرف سے مذکورہ واقعے کی وجہ گزشتہ ہفتے سڑک کی مرمت کے ساتھ ساتھ موسمی تبدیلیوں کے اثرات بتائے جاتے ہیں، نئی مرمت شدہ سڑک کو پہلے شدید سردی اور پھر شدید گرمی کا سامنا رہا۔

کوئینز لینڈ میں واقع مذکورہ سڑک پر ڈرائیورز کو اس وقت شدید حیرت اور پریشانی کا سامنا کرنا پڑا جب انھوں نے دیکھا کہ سڑک پگھل کر ان کی گاڑیوں کے ٹائروں کے ساتھ چپک گئی ہے۔

پگھلتی تارکول نے گاڑیوں کے ٹائر تباہ کر دیے، ڈرائیوروں کو گاڑیاں سڑک پر چھوڑ کر جانا پڑا، واقعے میں پچاس گاڑیاں متاثر ہوئیں، جن کے مالکان انتظامیہ کے خلاف ہرجانے کا مطالبہ کر سکتے ہیں۔

پلاسٹک سے بھری قوی الجثہ وھیل نہر میں آگئی


متاثرہ افراد نے ایک غیر ملکی خبر رساں ادارے کو بتایا کہ پہلے شدید سردی کی وجہ سے ان کی گاڑیوں کے ونڈ اسکرینز پر دراڑیں پڑیں اور پھر گرمی کی آمد سے سڑک پگھلنے کا واقعہ پیش آگیا۔

مقامی میئر نے حیرت کا اظہار کرتے ہوئے کہا کہ انھوں نے زندگی میں کبھی ایسا واقعہ رونما ہوتے نہیں دیکھا، یہ بہت حیران کن تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں