The news is by your side.

Advertisement

کراچی: نجی اسکول میں ڈکیتی، ملزمان کمپیوٹرز، اے سی سمیت دیگر سامان لوٹ کر فرار

کراچی : کلفٹن میں واقع نجی اسکول میں ڈکیتی کی واردارت کے دوران ملزمان کمپیوٹرز ، اے سی اور جنریٹر سمیت دیگر سامان لوٹ کر فرار ہوگئے۔

تفصیلات کے مطابق کراچی کے علاقے کلفٹن میں نجی اسکول میں ڈکیتی کی واردارت پیش آئی ، جہاں ملزمان نے رات گئے نجی اسکول میں گھس کر چوکیدار کو یرغمال بنایا اور اسلحے کے زور پر تشدد کیا۔

ملزمان نے چوکیدار کو کلاس روم میں بند کرکے اسلحہ بھی چھین لیا اور 7کمپیوٹر، اے سی اور جنریٹر لے کر فرار ہوگئے۔

بعد ازاں زخمی چوکیدار کو اسپتال منتقل کردیا گیا اور اسکول انتظامیہ کی جانب سے پولیس کو اندراج مقدمہ کی درخواست دے دی گئی ہے۔

یاد رہے گذشتہ ماہ نیو کراچی دو منٹ چورنگی کے قریب چار ملزمان نے نجی بینک میں داخل ہو کر اسلحے کے زور پر بینک اسٹاف اور سیکیورٹی عملے کو یرغمال بنایا اور نقدی لوٹ کر فرار ہوگئے تھے۔

اس موقع پر دو سیکیورٹی گارڈز نے مزاحمت کی کوشش کی تو ملزمان نے رائفل کے بٹ مار کر انھیں زخمی کردیا تھا۔

Comments

یہ بھی پڑھیں